У адной са сталічных аптэк мужчына хацеў купіць лекі па рэцэпце. Фармацэўтка засумнявалася ў афармленні бланка, і наведнік учыніў скандал, заявіўшы, што ён сам медык. Аднак пасля разглядаў стаў фігурантам крымінальнай справы за падробку дакумента, паведамілі ў Дзяржкамітэце судовых экспертыз (ДКСЭ).
41-гадовы жыхар Наваполацка прыйшоў у мінскую аптэку купляць рэцэптурныя лекі. Фармацэўтка вывучыла бланк, знайшла некалькі недакладнасцяў і адмовілася прадаваць прэпарат. Наведнік не пагадзіўся з заўвагамі і пачаў абурацца, сцвярджаючы, што ён сам доктар. Працаўніца аптэкі выклікала міліцыю.
Мужчыну затрымалі, а канфіскаваны рэцэпт адправілі на судовую почырказнаўчую экспертызу.
«Па выніках экспертызы выяўленыя ўстойлівыя супадзенні агульных і прыватных прыкмет, якія ўтвараюць індывідуальную сукупнасць, дастатковую для высновы пра тое, што рукапісныя запісы ў графы рэцэпту ўнесеныя самім затрыманым», — расказалі ў ДКСЭ.
Тады навапалачанін прызнаўся, што раней сапраўды працаваў доктарам у адной з установаў аховы здароўя Мінска, але звольніўся. Аднак, адыходзячы з працы, ён прыхапіў з сабой пусты бланк, а калі ўзнікла неабходнасць, «выпісаў» сам сабе рэцэпт на выдуманае імя.
Распачатая крымінальная справа.